كيكة التمر بالنسبه لي كانت رفيقة الشتاء وكان لها ذوق مختلف مُرتبط بالشتاء ، بس مايمنع نعملها بالصيف لانها حرفيا لذيذه وتتناسق مع القهوه العربية بالذات بسبب وجود الهيل والتمر من ضمن المقادير ، طعمها لذيذ جداً وقوامها خفيف وهش بشكل كبير والأهم والاجمل انها خفيفه ماتحسي انك اكلتي شي دسم او ثقيل مثل بعض الحلويات ..
أغلب اللي ذاقوها طلبوا مني اعطيهم الوصفه من لذاذتها وجمال طعمها ، جربواها واكتبوا لي رايكم 👩🏻💻!
نبدأ بالمقادير :
* نص كوب زيت
* نص كوب سكر
* ٣ بيضات
* كوب تمر منزوع النواة منقوع بكوب ماء ساخن (ثم نهرسه )
* نص م / ص ( هيل ، قرفة )
* كوب ونص دقيق
* ١ م / ك بكنج بودر
* رشة ملح
الطريقة:
١- نخلط الزيت مع السكر ثم نضيف البيض ونخلطه حتى تبدأ الفقاعات تطلع ( هذي الخطوه مهمه وهي سر انها تكون هشه )**
٢- نضيف التمر المهروس والهيل والقرفة ونخلط
٣- نضيف الدقيق والبكنج بودر والملح ونخلطهم ( مانطول بالخلط نكتفي بان الدقيق يختفي )
٤-نجهز قالب مدهون بالزيت ورشه بالدقيق ونضيف فيه الخليط ، و في فرن حامي على درجة حرارة ١٨٠ من الاسفل لمدة ٤٥ دقيقة (تقريباً) اذا استوت نشغل الفرن من فوق تتحمر .
للتزيين : كراميل 😴
و بالعافيه ❤️