مرحبا بَ الجميع ...
في هذي التدوينة راح أتطرق لـ جهاز من قسم المطبخ ...
الجهاز هو مثل ماكتبت بالعنوان " قلاية فيلبيس الهوائيه "
بالبداية في هذي التدوينه بتكلم عن الجهاز وعن استخدامه وتنظيفه وكمان عن تجربتي مع الجهاز ، وفي تدوينه أخرى بكتب لكم وصفات لأطباق لذيذة بـ استخدام هالقلايه الجميله .
كان قررانا لشراءها من وعي بخطر المقليات و خطورة الزيت والفاست فود وكـ تجربة لها لعلنا نقدر نتدارك الوضع ..
سعر الجهاز كان بحدود الألف تقريبا وكان الحجم اللي أخترناه هو اكبر حجم كـ عائلة ، الجهاز يتكون من ثلاث قطع وهي ( الجهاز . والصندوق والشبك ) وطريقة التنظيف تلاقونها باليوتيوب سهله وناجحه ومريحه جدا وماتعذب كثير مثل اجهزه غيره ...
القلاية تعطي نفس مذاق الاكل المقلي لكن بدون الزيت اللي معروف مخاطره من ناحية الدهون و الكوليسترول !
اما عن استخدامها فهو جدا سهل وهو باللتحكم بالاعدادات عن طريق شاشة باللمس صغيره ... كما أنها تحتاج بعض الاطباق الى تسخين مسبق لبعض الدقايق .. تعد القلايه الهوائيه اختيار ناجح واسلوب سهل في الحياه .. وكذلك تنفع للشباب وتساعدهم على تجهيز اكلهم بدون تعب ولا صعوبه وكذلك اعداد اطباق متنوعه فيها.
اما عن الأطباق فكانت كثيره جدا ونجحنا في أننا نعتمد عليها في أغلب أطباقنا ...
تقييمنا لها : أنها جدا جدا مفيده وتساعد على حياه سهله ومريحه .
من بداية استخدامنا لها قبل سنتين واحنا مقاطعين المقليات... واي اطباق تحتاج للزيت والقلي نستخدمها في قلاية فيليبس وتكون بنفس النتيجه تقريبا ، كانت خيار جدا ناجح و جهاز مهم جدا لي وما استغني عنه ابدا لانه جديا سهل الاستخدام وسريع ولذيذ بنفس الوقت ، اما من الناحيه الصحيه فكان لها الأثر الايجابي لصحتنا ومنها التخمه اللي نحسها بعد الاكل المقلي ماحسيناها ابدا مع فيليبس ، خفه واكل نظيف واستخدام سهل والاعتماد عليها بالنسبه لنا صار كبير وصرنا نعتمدها بكل اطباقنا ووجباتنا تقريبا ...
الجهاز هو الحاصل على اعلى المراتب بالنسبه لنا كـ عائلة والخيار الاول لاي شخص يحب يدخل بعالم الصحه والاكل الصحي لانه الاكل فيها يكون مشابهه للمقلي او المشوي تقريبا لذلك ماتحسوا انكم حرمتوا انفسكم من شئ .